وعليكم السلام ورحمة الله وبركاته انا ارسلتلك تعليق مش عارف وصلك ولا لا عموما هكتبه تانى اولا كل عام وانتى بخير وربنا يعيده عليك وعلى الامة الاسلامية بالخير بالنسبة لسؤالك لماذا رغبت بالزواج عن طريق الموقع ؟ انا حاليا ببحث عن زوجه ولكن لظروف سفرى لم تسنح لى فرصه لذلك ومع ذلك اهلى يبحثون لى ولكن هم يؤجلون ذلك لحين عودتى حتى يتسنى لى رؤيتها ولكى ترانى هى ايضا اما بالنسبة للموقع انا مكنتش متصور ان ممكن الاقى موقع يتيح امكانية للشخص انه يبحث عن زوجه ولكن اعجبنى هذا الموقع احس فيه بالجدية بالاضافة الى انه من خلال الموقع تسطيعى اختيار المواصفات المناسبة لك ومن الممكن ان تتبادلى التعليقات مع العضو لكى تعرفى اكثر عنه وتقدرى تاخدى موافقة مبدئية منه لحين ماتتم الرؤية الشرعية وده بيوفر على الواحد الحرج انه يتقدم لواحده وتطلع مش مناسبة ليه او مش مناسب ليها اعرف ان التعرف على شخص من خلال الكتابة لايتيح امكانية التعرف على طبائع الاشخاص بالشكل الكافى ولكن على الاقل يكون عندى خلفيه عن الانسانة اللى هتقدملها حتى لو بسيطة
حضرتك طلبتى اكلمك عن نفسى :-
الاول هتكلم عنى وعن اسرتى واهلى
الوالد متوفى وكان يعمل بهيئة البريد الوالده ست بيت كبيرة فى السن وصحتها تعبانه شوية بالنسبة لاخواتى احنا ثمانية اخوة اربع بنات واربع ذكور بنتين وولدين مؤهلات عليا وبنتين وولدين مؤهلات متوسطة وحميعهم متزوجين باستثناء انا
بالنسبة لعلملى
انا خريج كلية تجاره اتخرجت من الجامعة وطبعا زى معظم الشباب قعدت عاطل فترة وملقيتش شغل ولما لقيت القعدة شكلها هطول قولت اشتغل اى حاجة اشتغلت عامل فى مصنع فترة بسيطة حاولت ابحث عن حاجة احسن ولكن ده اللى لقيته وبعدين جاتلى فرصة انى اشتغل كاشير بفندق فى القاهرة اثناء عملى بالقاهرة كنت ببحث عن فرصة للسفر ولكن لم اجد نظرا لكونهم يريدون من لديه خبره فى مجال المحاسبه المهم لقيت فرصة ولكن على راتب قليل سافرت على امل يتعدل الحال او الاقى فرصة احسن بعد كده ولكن السفر فيه نسبة كبيره من الحظ وخاصة لما الواحد يكون طالع مش عارف حاجة عن الشركة اللى مسافر عليها الا القليل عن طريق المكتب اللى مسافر عليه وغالبا مبتكونش معلومات صحيحة او ان الواحديكون طالع على شخص يعرفه بتكون فرصته افضل شوية الشركة اللى سافرت عليها اصحابها صعبين شوية من النواحى المادية وراتبى قليل بها ولكن الحمد لله على كل حال
بالنسبة للسكن انا والدى يعنى ساعد اخوتى اثناء زواجهم ولكن انا كنت لسة فى مرحلة الدراسة ومكنش عندى شقة ولكن بمساعدة من اهلى وسفرى هنا استطعت ان ابنى الشقة والان هى فى مرحلة التشطيبات ان شاء الله بمجرد مانزل هخلصها بس فى حال انى اتقدمت لواحده هيكون فيه فتره مابين الخطوبة والزواج علشان اكون جاهز انا زى مقولت من اسرة بسيطة وبحاول قدر الامكان ابحث عن واحده تكون كويسة واهلها زى حالاتنا كده تتناسب مع ظروفى واهلها ميثقلوش عليه بالطلبات مش معنى انى بقول انهم ميتقلوش عليه فى الطلبات انى اقلل منها او شئ ولكن معظم الشباب بدايتهم بتكون صعبة شوية وبيكون محتاج حد يقف جنبه وييسر عليه وخاصة اللى من نفس ظروفى وانى متكفل بنفسى ومفيش حد بيساعد انا تقريبا كلمتك عنى شوية بس لو فيه حاجة عايزة تعرفيها وانا مقولتهاش ممكن تسالى وان شاء الله هرد عليك
بس ان عايز اسالك
حضرتك كاتبة فى الاستمارة انك فى الدمام وفى التعليق بتقولى انك حاليا بالقصيم حضرتك تقصدى انك كنتى بالدمام وانتقلتى للعمل بالقصيم ؟
حضرتك خريجة اية وبتشتغلى اية وحضرتك مقيمة هنا مع مين ؟
هل سبق لحضرتك العقد (كتب كتاب)او اى شئ من هذا القبيل ؟
بجد لما قولتى فى التعليق انك هنا فى القصيم ده حاجة اسعدتنى واتمنالك التوفيق فى عملك وبعتذر عن الاطالة ….وشكرا

بسم الله الرحمن الرحيم
السلام عليكم ورحمة الله وبركاته
الاخت الاميرة
بانتظار رد حضرتك
جزاكي الله خيرا

السلام عليكم ان لم يكن لديك مانع من الزواج لطفا راجعى ملفى ويشرفنى ان اكون لك زوجا ووالدا واخا ان شاء الله