ردا على استفسارك على صفحتي
وعليكم السلام ورحمة الله وبركاته
انا مطلق
وبشتغل قطاع خاص حاجة كدة على اد الحال مع ناس اصحاب مصنع
أولادي عددهم 4 اثنين من التجربة الاولى واثنين من التجربة الثانية ، وطبعا ما حصلش نصيب ، وده طبعا رزق ماحدش بيختاره ولا يتحكم فيه ، اعمارهم ولد18 بنت15 وولد10 وولد3 ، ونقل العمل الحالي اسكندرية ما ينفعش لإن هوه مقر واحد بالقاهرة ، لكن طبعا لو في شغل فيما بعد في اسكندرية ما عنديش مانع ، ده اسكندرية اجدع ناس.
وانا معدلتش حاجة في بياناتي غير اني كنت متزوج وبقيت مطلق ، ودي حقيقة لإني طلقت رسمي في 13-8-2023
وظروفي باختصار ، اني مطلق ، وعندي شقة زوجية بكامل فرشها ، وجاهز للزواج من واحدة متدينة وعايزة تعيش ، وبنت ناس طيبين
السينس في لغة المهندسين يعني الفراسة بلغة العرب ، يعني الاحساس الداخلي الناشء عن وجهة نظر استنباطية ، وبلغة اهل الرياضيات الاستنتاج الرياضي
وزي ماقولتلك قبل كدة “أنا ابحث عن مودة” وده لقيته في عنوان ملفك ، وبداخله
وزي ما قولتلك برضه “الاهم ان ثقتي بالله كبيرة جدا”
ما أعرف المستحيل ما دمت على تواصل بمن يقول للشيء كن فيكون
ويجعل الحب ينزل في قلب من يريده ان يحب آخر
ففي انتظار رأيك في كل الاحوال
تحياتي