هذه العضوية بانتظار إعادة المراجعة - برجاء المحاولة بعد قليل

• بعض التعليقات اللى بوضح فيها وجهة نظرى بتمسكها فحسيت بأن الموضوع هيطلب جدل و انتصار لوجهة النظر و الهدف اللى كنت برجوه هداية نفس . الله خير وكيل و شهيد

  • انا شفت تعليق حضرتك فى صفحة اخ و انا وعدت نفسى ما ادخلش صفحتها تانى لانى بجد اضايقت جدا من كذا تعليق و انت مش حاضر الموضوع من الاول و بعتذر مش هقدر اعلق تانى انا معرفش الحكم الشرعي لكلامى معاك و لكن يضيق صدرى بالكلام مع الرجال الاجانب

• السلام عليكم بيانات حضرتك غير ظاهره لي

• هو سؤال للأخوات إللي بيتخانقوا ويفرجوا الناس عليهم:
  هو مش الموقع إسلامي، وعاملين تصنيف على مزاجكم، ملتزم وملتحي وملتزمة ومنتقبة؟ مش أنتو إللي حسستونا إن أي حد مش ملتحي يبقى ضال وهو دين وأنتو دين زي الأغنية الظالمة إياها؟

  طب إزاي مع الإلتزام ده تكلموا بعض وتتخانقوا وتشاركوا رأيكم مع رجال أجانب عنكم؟
  يعني لو في خلاف على مسألة، تقدروا تسألوا حد من شيوخكم الملتحين والملتزمين،
  لكن تكتبوا على صفحات الرجالة الأجانب وتشهدوهم عليكم وتتناقشوا؟ يبقى فرقتم إيه عن الشات على الفيس مع أي حد غريب؟
  وفين كلام ربنا راح وفين الإلتزام؟
  وهل واحدة فيكم عندها الجرأة إن أبوها أو أخوها أو حتى زوجها المستقبلي إنه يشوف الحوارات والنقاشات دي؟

  عموماً مش محتاجة ملتزم وملتحي، أي واحدة فيكم لو اختى هقطع رقبتها علشان بتتكلم مع رجالة غريبة، مش محتاجة لحية ومن غير دين، لأني دي غيرة في دمنا قبل ما تكون شريعة، واللي مفيش جواه غيرة على دينه وأهله وبنات المسلمين، يبقى مش هينفعه لحية ولا دين.

  عيب، قرن في بيوتكن، حسستونا إنكم أنتو بس إللي عندكم دين، وأنتو آخر عك، ضيعتم الدين وضيقتم علينا الواسع، وأنتم شغالين تحللو وتحرموا بمزاجكم.
  بأي حق تكلمي راجل وتقولي له استشرني واكتبلي وكلمني؟
  فين التشريع في ده؟
  ومش تردي عليا، هقولك زي ما بقول لأولادي: حسابك في قبرك، هتكوني في التراب لوحدك، وقتها جاوبي من يسألك.

  ده موقع زواج، مش منتدى، يعني الحوار بينك وبين الرجل في حدود الموضوع، جواز آه أو لأ ، وبس كده.

  لو كلامي مش عاجبكم وده الواقع، خلاص، بس أنا لما بشوف غلط مش بعرف أسكت عليه.
  أنتو في الأول والآخر أخواتي وبقولكم كده لأني شايف غلط، وبدعي رب العالمين يهدينا ويغفر لنا جميعاً.