السلام عليكم ورحمة الله وبركاته أمى الفاضلة . جزاك الله خيرا . بالنسبة لموضوع السفر أنا لا أعارض السفر فانا قد سافرت للكويت منذ خمس سنوات وعملت فيها لمدة سنة لأن بعض أقاربى هناك لكننى رجعت مصر مرة أخرى واستقريت فيها عشان جالى تعيين حكومى لكن ممكن أنا أقدم على أجازةبعد الزواج وأسافر معها إن شاء الله , عموما هذا الأمر نتناقش فيه انا وبنت حضرتك لما تيجى بالسلامة ونشوف أنهى الأفضل العيش فى مصر أم السفر للكويت .عايز أسال حضرتك هل أتقدم للإدارة الان أم انتظر حتى تعرضى الامر على بنت حضرتك ؟

وعليكم السلام ورحمة الله وبركاته أمى الفاضلة .. ولا يهم حضرتك بس هو اللى حصل أنى انتظرت رد حضرتك كتير جدا ولما لم يصلنى رد استنتجت ان بنت حضرتك رفضت الموضوع . كلام بنت حضرتك فيه شئ من الصواب لكن الكلام ده لو كان المتقدم وضعه المادى غير جيد فممكن نقول فعلا أنه تقدم طامعا وأن غرضه السفر وليس الزواج لكن كما هو مكتوب فى بياتاتى ان الوضع الإجتماعى عالى والحمد لله كذلك الوضع المادى واكيد حضرتك عارفه ان مدرسين الإنجليزى فى كثير من الأحيان بيكون وضعه المادى أفضل من المسافر والحمد لله ده فعلا حالى وقد عرض على السفر كثيرا لكن كنت أرفضه لأننى أصبحت لا أحتاجه, والرسالة التانية اللى بعتها لحضرتك منذ أكثر من ست أسابيع قلت فيها ” لما بنت حضرتك تيجى بالسلامة ونقعد مع بعض هنشوف إيه الأفضل لينا نقيم هنا فى مصر ولا نسافر” لأن موضوع سفرها من عدمه متفرقش معايا أنا كل اللى بدور عليه عروسة بنت ناس طيبين فى المقام الأول وتكون مهتمة بأمر دينها ثم يكون وضها الإجتماعى جيد بحيث يكون هناك تكافؤ والصفات ده وجدتها فى بنت حضرتك .بفضل الله دخلى جيد جدا والشقة التى امتلكها هى واسعة تزيد عن مائتين متر وفى مكان راقى والحمد لله أيضا والدى وجميع اخوتى فى سعة من الرزق . فقط نصيحة لبنت حضرتك ياأمى وهى أن تعطى الفرصة لمن يتقدم لها وخاصة إن كان أنسان ملتزم وفى نفس الوقت وضعه المادى جيد أن تعطيه الفرصة ثم بعد ذلك تحكم عليه إن كان طامعا أم لا . أسأل الله ان ييسر لها ولى وان يحفظها فى غربتها وأن يسعدها فى الدنيا والآخرة . منذ حولى ثلاثة أسابيع اخبرنى أحد المصلين فى المسجد وهو من أصدقائى أن عنده عروسة قريبته وهى تعتبر من جيراننا لكن لم أذهب حتى الآن للرؤية الشرعية بسبب بعض الظروف التى أخرت الموضوع لكن إن شاء الله سأذهب لرؤيتها خلال هذا الأسبوع فإن يسر الله لى كان بها وإلا سأعاودالتواصل مع حضرتك لأننى لا أستطيع الإعتذار الآن لصديقى هذا بعد أن تكلمت معه . فإن شاء الله سأرد على حضرتك يوم الخميس القادم وومكن قبل كده . السلام عليكم ورحمة الله وفى حفظ الله

جزاكم الله خيرا .. اللهم آمين

حسنا سأتقدم للإدارة وربنا يقدم ما فيه الخير

العروسه موجوده في القاهرة حالياً ام لا